Con motivo do IV Congreso Ibérico sobre Recursos Genéticos Animales, organizado pola Sociedad Española Pro Recursos Genéticos Animales-SERGA  celebrado en Madrid no mes de setembro de 2002, os veterinarios Diego Rois, José Benito Feijoó, Castor José Rivero, Miguel Fernández e Gerardo Rivero presentamos un cartel co estudio sobre a caracterización morfolóxica da raza. Nel incluíuse o patrón da raza, realizado a partir dos datos históricos que se tiñan da Galiña de Mos e dos datos observados.

            Este cartel aproveitouse posteriormente para realizar pósters e outros documentos informativos usándoos nunha campaña publicitaria sobre a raza.